«Кыз-Жигит» Сармерден

«Кыз-Жигит» Сармерден оюну кыргыздын улуттук рухий маданияты. 2025-жылдын 5- мартында А.Молдогазиев атындагы Бишкек медициналык колледжинде Кара-Кыргыз автономиялуу облусунун түзүлгөндүгүнүн 100 жылдыгына жана «КРнын Мамлекеттик тили жөнүндө» Мыйзамынын кабыл алынгандыгынын 35 жылдыгына карата үч айлыктын алкагында кезектеги иш- чара болуп өттү. «Ортопедиялык-стоматология» ПЦКсы менен окуу бөлүмүнүн башчысы Э.Д. Даниловдун демилгеси менен уюштурулган «Кыз-Жигит» Сармерден оюну «Ак калпак» күнү менен чогуу белгиленди.Иш- чара Ак калпак күнүнө туура келгендиктен, кыргыздын рухий дөөлөтү которулуп, дагы бир жолу улуттун салттарына, кадыр- баркына жаңы жана кошумча тилектерди тартуулады.
Залдын жасалгасы боз үйдүн түндүк, керегесинен баштап, шырдак, төшөктөр, аяк кап, идиштер, туш кийиз, чүкө жана башка улуттук буюмдар менен кооздолуп, өзгөчө көрк, шаң берип турду.”Сармерден” оюнуна жигиттердин “Ак Шумкар” жана кыздардын “Мээрман айым” тобу катышышты. «Сармерден» оюнун Эрке бала жана Эрке кыз алып барышты.Бул оюн-зоок иш-чарасында «Манас» эпосунан үзүндүлөр, улуттук бийлер, обондуу ырлар, макал-лакаптар, Акыйнек айтышуу жана жаңылмачтар айтылып, кыргыз элинин баалуулуктары тартууланып, колледждин окутуучулары сүрөөнгө алып отурушту.”Сармерден” абалтан элибизде уул-кыздарыбыздын көөнөрбөс салттуу оюну болуп эсептелгендиктен, баардык көрүүчүлөрдү кайдигер калтырбады.Аягында калыстар тобундагы эже агайлар студенттерибизге терең ыраазычылык билдиришип, окуудагы ийгиликтерди каалашып, эки команданын өнөрлүү, таланттуу экенин баалашып, жигиттер менен кыздардын ортосунда достук женди деп, эки команда тең А.Молдогазиев атындагы Бишкек медициналык колледжинин атынан Ардак Грамота жана Бишкек шаардык кенешинин депутаты, колледждин Ортопедиялык–стоматология бөлүмүнүн башчысы Миргул Расул кызынын атынан баалуу белектер менен сыйланышты.

Мамлекеттик тил боюнча адис С.Ибрагимова