Нооруз 2025.
Бүгүн, 2025-жылдын 20-мартында Акматкан Молдогазиев атындагы Бишкек медициналык колледжинин жаштар комитети тарабынан уюштурулган элдик майрам «Нооруз — 2025» белгилөө салтка айланган шартта болуп өттү.
Белгиленген убакытка жакын окуу жайдын Туулар аянтчасында шаңдуу, майрамдык музыка жаңырып, акырындык менен агай-эжелерди, студенттер жана кызматкерлерди өзүнө тартып турду.
Авен сценада, улуттук формачан жаштар комитетинин концерттик программадагы катышуучу студенттери майрамдын көркүнө көрк кошуп, көрүүчүлөрдүн купулуна толуп турганы байкалат. Окуу жайдын директору Чолпон Сейтековна Усубалиева баштаган жетекчилиги, бөлуп башчылар, ОУБдун усулчулары орун алышып, иш-чара башталды.
Алып баруучулар «Нооруз-2025» ачык деп жарыялап, сөз кезегин Акматкан Молдогазиев атындагы Бишкек медициналык колледжинин директорунун мамлекеттик тил боюнча орун басары Мырзатай Ырсалиевич Шатманалиев узатышты. Чыгып сүйлөгөн, директорун мамлекеттик тил боюнча орун басары М.Ы.Шатманалиев жалпы эмгек жамаатын Нооруз майрамы менен куттуктап, бул майрамдын тарыхы жана бүгүнкү ааламдашуу процессинде кыргыз маданиятынын, улуттук тилдин, каада -салттын оорду менен элдин өзгөчөлүк баалуулуктарына токтолуп өттү.Комузда кол ойнотуп күү чертип, чимириле бийлеген балдар-кыздардын аткарган номерлери жарданып карап турган элди кубандырды. Күндүн ысыгына карабай, отуруп берген көрүүчүлөрдүн дүркүрөгөн кол чабууларынын коштоосунда жаштар комитети төрагасы, төбөсү музыка сүйүүчүлөргө таанымал боло баштаган келечеги кең, таланттуу обончу жана аткаруучу Кубан Аманбаевдин ырлары менен бүгүнкү Нооруз майрамына арналган иш-чара жыйынтыкталды.
Бар бол жаңылыктын, жакшылыктын жышааны Нооруз майрамы!.
Акматкан Молдогазиев атындагы Бишкек медициналык колледжинин директорунун мамлекеттик тил боюнча орун басары Мырзатай Ырсалиевич Шатманалиев.Бишкек ш.2025.03.20.БМК.
Комментарии